LGU and GovernanceCOA: P6.6M Ari-arian ng Bayan, Pinabayaan sa Kawit, Cavite

COA: P6.6M Ari-arian ng Bayan, Pinabayaan sa Kawit, Cavite

-

- Public Service Reminder -spot_img

COA Report: Mahigit P6.6M na Ari-arian ng Bayan sa Kawit, Cavite, Pinabayaan at Hindi Ikinilos ng Lokal na Pamahalaan sa Ilalim ni Mayor Angelo Aguinaldo

KAWIT, CAVITE — Lumabas sa 2021 Commission on Audit (COA) report na hindi naiproseso ng pamahalaang bayan ng Kawit, Cavite, sa ilalim ng pamumuno ni Mayor Angelo Emilio Aguinaldo, ang disposisyon ng mga sirang kagamitan at hindi na rin tinanggal sa aklat ng accounting ang ilang naibentang ari-arian ng bayan—na nagkakahalaga ng kabuuang mahigit P6.6 milyon.

Batay sa ulat ng COA, P3,352,280.71 na halaga ng “unserviceable properties” o sirang kagamitan ang hindi naidispatsa, salungat sa itinakda ng Section 79 ng Presidential Decree No. 1445. Sa halip na mapakinabangan o maibenta, ang mga ito ay naiwan at patuloy na naluluma at nawawalan ng halaga.

Kabilang sa mga hindi nailathalang sirang kagamitan ay apat na motor vehicles:

Garbage compactor – P1,091,064.71
Mini dump truck – P899,500.00
Service vehicle – P523,716.00
Ambulansya – P768,000.00

Kasama rin sa listahan ang IT equipment na laptop na nagkakahalaga ng P70,000.00.

Bukod dito, sinabi rin ng COA na mayroong P3,331,362.39 na halaga ng na-dispose o naibentang Property, Plant and Equipment (PPE) pero hindi ito naalis sa talaan ng mga ari-arian ng bayan—isang paglabag sa paragraph 82 ng International Public Sector Accounting Standards (IPSAS) 17. Dahil dito, lumalabas na overstated o pinalobo ang halaga ng assets at equity ng pamahalaan.

Anomalya sa Accounting at Pamamahala

Ipinunto ng COA na ang hindi pag-dispose sa mga sirang kagamitan ay nagdulot ng panganib na tuluyang mawalan ng halaga ang mga ito. Samantala, ang hindi pagtanggal ng naibentang kagamitan sa accounting books ay nagbigay ng maling larawan sa tunay na estado ng yaman ng munisipyo.

Ayon sa COA, “Ang non-derecognition ng disposed properties mula sa libro ay nagdulot ng overstatement sa PPE at Government Equity account.”

Rekomedasyon ng COA

Inirekomenda ng audit team na atasan ng alkalde ang General Services Officer (GSO) na agarang iproseso ang disposisyon ng mga sirang kagamitan sa pamamagitan ng pag-sumite ng mga dokumento tulad ng Inventory and Inspection Report of Unserviceable Property (IIRUP) at Appraisal Report sa COA.

Kasunod ng disposisyon, dapat utusan ang Municipal Accountant na gumawa ng Journal Entry Voucher upang tanggalin sa aklat ang halaga ng mga ito. Dagdag pa rito, dapat ding i-derecognize ng accountant ang naibentang PPE na nagkakahalaga ng P3.33 milyon.

Tugon ng Pamahalaang Bayan

Sa ulat, sinabi ng COA na nangakong susunod sa rekomendasyon ang GSO at ang Municipal Accountant. Gayunpaman, walang ibinigay na timeline o patunay na agad na isinagawa ang mga kinakailangang hakbang.

Transparency at Accountability

Ang isyung ito ay nagbubukas ng tanong sa transparency at responsableng paggamit ng pondo ng bayan, lalo na sa panahong nangangailangan ng mas epektibong pamumuno at paglalaan ng yaman para sa serbisyo publiko.

Sa gitna ng isinasagawang kampanya para sa good governance at anti-corruption sa buong bansa, nananatiling mahalagang bantayan ng publiko at mga institusyon ang ganitong mga ulat mula sa COA upang matiyak na ang yaman ng bayan ay hindi napapabayaan o nalalagay sa alanganin.

Para sa karagdagang impormasyon, maaaring bisitahin ang opisyal na ulat ng COA sa kanilang website.


Discover more from Cavite News

Subscribe to get the latest posts sent to your email.

cavite.news
cavite.newshttps://cavite.news
We, the people of Cavite, recognize that in order to achieve our goals and aspirations, we need to be empowered and well-informed of the news and events that affect us and our cities and towns. We need to have access to accurate, relevant, and timely information that will enable us to make informed decisions and take appropriate actions.

This site uses Akismet to reduce spam. Learn how your comment data is processed.

Latest news

Most Wanted Assassin Arrested in Cavite

Police arrested a 32-year-old alleged gun-for-hire in Tanza, Cavite, who is among the most wanted of the Manila Police...

Cavite Tourism Passport Shines with Award of Merit at Philippine Quill Awards

Metro Pacific Tollways South (MPT South), a subsidiary of Metro Pacific Tollways Corporation (MPTC), has clinched the Award of...

Megawide’s PH1 World Invests P1 Billion in Cavite Residential Project

PH1 World Developers, Inc. (PH1WD), the real estate arm of Megawide Construction Corp., is investing 1 billion pesos in...

Suspect in Cavite Road Rage Killing Surrenders

The suspect in a deadly road rage shooting in Dasmariñas, Cavite on August 27, 2025 has surrendered to authorities,...
- Advertisement -spot_imgspot_img

Revilla family in Cavite linked to flood control corruption scandal

CAVITE — Three members of the influential Revilla family, all holding public office in Cavite, have been named in...

New Carmona City Hall rises as centerpiece of growth hub

CARMONA, Cavite — Construction of the new Carmona City Hall is moving forward, with officials touting the project as...

Must read

Offset Shares a Video of Cardi B Giving Birth to Baby Kulture

What was expected of her was the same thing...
- Advertisement -spot_imgspot_img

You might also likeRELATED
Recommended to you