Haharapin natin ngayon ang isang katotohanan na marahil ay hindi ninyong naririnig sa mga opisyal ng ating bayan. Tingnan ninyong mabuti ang larawan sa itaas — ang Kawit ay may 20.47% na paglago ng kita ngunit tanungin natin ang ating mga sarili: Naramdaman ba natin ito?

Ang Hindi Nakikitang Yaman

Nasaan ang P2.7 bilyong pisong pondo ng ating munisipyo mula 2022 hanggang 2025? Ito ang tanong na dapat nating harapin. Samantalang ang ekonomiya ng Kawit ay lumalaki ayon sa mga statistics at data, bakit ang ordinaryong mamamayan sa laylayan ng lipunan ay hindi pa rin nakararamdam ng tunay na pag-unlad?

Nagmamayabang ang pamahalaang lokal sa paglago ng ekonomiya, ngunit ang katotohanan ay nananatiling mahirap ang kalagayan ng maraming Kawitenyo. Ang pagkakaiba ng mayayaman at mahihirap ay lalong lumalaki.

Pangakong Napako ni Mayor Angelo Aguinaldo

Saan napunta ang mga pangakong trabaho para sa ating mga kababayan? Marami pa rin ang walang hanapbuhay o nasa hindi sapat na empleyo. Ang mga proyektong ipinangako na magpapagaan sa buhay ng mga Kawitenyo — nasaan na? Ang ating mga kalsada, mga pasilidad pangkalusugan, mga paaralan — nakikita ba natin ang malaking pagbabago na dapat ay dala ng bilyun-bilyong pisong pondo? May solusyon ba ang baha sa Kawit?

Ayuda Bilang Pananakot

Mas nakababahala pa, ginagamit ang pagbibigay ng ayuda bilang isang paraan upang kontrolin ang mga mamamayan. Ang tulong na dapat ay karapatan ng bawat Kawitenyo ay naging kasangkapan para hawakan sa leeg ang mga nangangailangan. Ginagawa itong paraan upang makuha ang inyong boto, ang inyong katahimikan, ang inyong pagsunod.

Ngunit hindi ito ang tunay na solusyon. Hindi ang panandaliang ayuda ang magpapaunlad sa buhay ng Kawitenyo kundi ang pagkakaroon ng disente at maayos na TRABAHO.

Isang Bagong Pag-asa

Ang tambalang Abaya-Ramos ay nagdadala ng bagong pananaw para sa Kawit — isang pananaw kung saan ang kaunlaran ay para sa lahat at hindi lamang sa iilan. Hindi panandaliang ayuda kundi pangmatagalang solusyon sa pamamagitan ng paglikha ng trabaho at pagpapalakas ng ekonomiya mula sa pinakamababang antas.

Ang tunay na pagmamahal sa bayan ay hindi nasusukat sa dami ng ayudang ipinamamahagi tuwing eleksyon. Nasusukat ito sa paglikha ng isang lipunan kung saan ang bawat Kawitenyo ay may pagkakataong umangat sa pamamagitan ng kanilang sariling kakayahan at pagsisikap.

Pagpili ng Tunay na Pagbabago

Panahon na upang tayo ay gumising. Panahon na upang humingi ng pananagutan. Panahon na upang piliin ang tunay na pagbabago — hindi ang pagbabagong nakabalot sa magagandang pangako ngunit ang pagbabagong mararamdaman ng bawat mamamayan ng Kawit, Cavite.

Ang tambalang Abaya-Ramos ay hindi lamang nagbibigay ng pangako kundi nagbibigay ng plano — isang plano para sa isang Kawit kung saan ang lahat ay kasama sa pag-unlad, kung saan ang trabaho ay para sa lahat, at kung saan ang pera ng bayan ay tunay na napupunta sa bayan.

Ang tunay na pagbabago ay hindi mangyayari kung tayo ay magpapatuloy sa old at bulok na sistema. Kailangan natin ng pamumuno na TUNAY na para sa Bayan, TUNAY na para sa Tao.

Sa darating na halalan, ating isaisip: Ang boto natin ay hindi lamang para sa isang tao kundi para sa kinabukasan ng ating bayan. Piliin natin ang Kawit na tunay na itinataguyod ang kapakanan ng bawat Kawitenyo.